எங்கள் ஊர்...

தூரத்தில் தெரியும்

ஒற்றைப் பனை மரம்

ஆற்று வெள்ளத்தில்

அடித்துச் செல்லப் பட்ட குதிரைகள் ,

அன்னார்ந்து பார்க்கச் சொல்லும்

அய்யனார் சிலை ,

சுமைதாங்க மனம் இன்றி

மர நிழல் தாங்கி நிற்கும் சுமைதாங்கிக் கல் ,

பச்சைப் பசேல் என்று கிடக்கும் வயல் வெளியில்

காக்கை எச்சம் போட்டது தெரியாமல்

காவல் நிற்கும் பொம்மை காவல் காரன்

அடர்ந்த மரங்கள் ,அதில் அழகாய்

வீடு கட்டி ரசிக்கும் தூக்கணாங்குருவிகள் ,

தெருவோரச் சிறுவர்களின் சிரிப்பும் ,விளையாட்டும்

திண்ணை வைத்த வீடுகளும் என

எங்கள் ஊரை இன்னும் அழகாய்

சொல்ல வரிகள் தேடிக்கொண்டு இருக்கிறேன் வாய்க்காலில் அமர்ந்து....